Veľká Rača

Estimataj! Se Vi dezirus ion belan travivi, bonvolu viziti montaron Kysucké Beskydy, konkrete la plej altan montopinton Veľká Rača (1236 m). Turismaj someraj logaĵoj por vi ĉi tie estas: boba vojo, ŝnurega parko, trampolino, grimpmuro, bicikloturismo, terenaj skutiloj.
Montgrimpadon ni komencis en la parkejo apud la konata ski-centro Dedovka en vilaĝo Oščadnica. Ni iris iuj piede, iuj per pend-telfero al la kabano sur Rača. Poste ni piede daŭrigis sur la montopinton Veľká Rača. La supreniro estis agrabla en suna senventa vetero. Ni iris ĉirkaŭ kaverno Malá Skalná Diera. Sur la pinto estas belega panoramo čiuflanken. Ĉar estis bona videbleco ni vidis Slovakion, Ĉeĥion kaj Pollandon. Proksime de la pinto en la pola flanko estas turisma kabano. 

La ekskurso okazis la 11-an de septembro 2016 kadre de la programo „Slovakaj montaroj“ kaj partoprenis ĝin el Žilina J. Kostolná, I. Morgošová, R. Staňová kaj A. Urbanová, el Liptovský Mikuláš B. Vajsová kaj J. Vajs kaj el Liptovký Ján M. Ďuranová.

J. Kostolná